செந்தில்பாலாஜி வழக்கு: நீதிமன்றம் கடுமையான எச்சரிக்கை
செந்தில்பாலாஜி வழக்கு: நீதிமன்றம் கடுமையான எச்சரிக்கை
2011-2015 ஆம் ஆண்டுகளில் போக்குவரத்து அமைச்சராக இருந்த முன்னாள் அமைச்சர் செந்தில்பாலாஜி மீதான ஊழல் வழக்கு விசாரணையில், சிறப்பு நீதிமன்றம் கடுமையான எச்சரிக்கை விடுத்துள்ளது. வழக்கை இழுத்தடிக்கும் நடவடிக்கைகளை அனுமதிக்க மாட்டோம் என நீதிபதி தெரிவித்துள்ளார்.
2011 முதல் 2015 வரை அதிமுக ஆட்சியில் போக்குவரத்துத் துறை அமைச்சராகப் பணியாற்றிய முன்னாள் அமைச்சர் செந்தில்பாலாஜி மீதான ஊழல் வழக்கு விசாரணையில், சென்னை சிறப்பு நீதிமன்றம் கடுமையான எச்சரிக்கை விடுத்துள்ளது. போக்குவரத்துத் துறையில் பணத்தைப் பெற்றுக் கொண்டு பணியிடங்களை நிரப்பியதாக எழுந்த குற்றச்சாட்டின் அடிப்படையில், 2018-ஆம் ஆண்டில் மத்திய குற்றப்பிரிவு போலீசார் செந்தில்பாலாஜி, அவரது சகோதரர் அசோக்குமார் உள்ளிட்ட சுமார் 2,200 பேர் மீது வழக்குப் பதிவு செய்தனர்.
சென்னையில் எம்பி, எம்எல்ஏக்கள் மீதான வழக்குகளை விசாரிக்கும் சிறப்பு நீதிமன்றத்தில் இந்த வழக்கு நடைபெற்று வருகிறது. நீதிபதி லோகேஷ்வரன் தலைமையில் இன்று நடந்த விசாரணையில், செந்தில்பாலாஜி மற்றும் அசோக்குமார் ஆகியோர் ஆஜரானனர்.
விசாரணையின் போது, குற்றம்சாட்டப்பட்டவர்கள் வழக்கிலிருந்து விடுவிக்கப்படுவதற்காக தனித்தனியாக மனுக்களைத் தாக்கல் செய்வதை நீதிமன்றம் ஏற்க முடியாது என நீதிபதி லோகேஷ்வரன் தெரிவித்தார். குறிப்பிட்ட காலத்திற்குள் மனுக்களைத் தாக்கல் செய்ய வேண்டும் என்றும், அதனை நீதிமன்றத்தில் தெரிவிக்க வேண்டும் என்றும் அவர் உத்தரவிட்டார்.
வழக்கை இழுத்தடிக்கும் எந்தவொரு நடவடிக்கையையும் அனுமதிக்க மாட்டோம் என நீதிபதி எச்சரித்தார். விருப்பம்போல் மனுக்களைத் தாக்கல் செய்தால், ஜாமீன் மனுகள் ரத்து செய்யப்படும் என்றும் அவர் சுட்டிக்காட்டினார்.
M.Banerjee--MT
