தீபாவளி விடுமுறை: நவம்பர் 9 அன்று மெட்ரோ ரயில் ஞாயிறு அட்டவணையில் இயக்கம்
தீபாவளி விடுமுறை: நவம்பர் 9 அன்று மெட்ரோ ரயில் ஞாயிறு அட்டவணையில் இயக்கம்
தீபாவளி பண்டிகையையொட்டி நாளை (நவம்பர் 9) சென்னை மெட்ரோ ரயில்கள் ஞாயிறு கால அட்டவணைப்படி இயக்கப்படவுள்ளன. சொந்த ஊர்களுக்குச் சென்றவர்கள் திரும்புவதற்காக விடுமுறை அறிவிக்கப்பட்டுள்ள நிலையில், மஞ்சள் வழித்தடத்தில் காலை 6 முதல் இரவு 9 வரை 15 நிமிடங்களுக்கு ஒரு ரயில் இயக்கப்படும் என நிர்வாகம் தெரிவித்துள்ளது.
தீபாவளி பண்டிகையையொட்டி நாளை (நவம்பர் 9) சென்னை மெட்ரோ ரயில்கள் ஞாயிறு கால அட்டவணைப்படி இயக்கப்படவுள்ளதாக சென்னை மெட்ரோ ரயில் நிர்வாகம் அறிவித்துள்ளது. தீபாவளி நாளான இன்று (நவம்பர் 8) விடுமுறை அறிவிக்கப்பட்டுள்ள நிலையில், சொந்த ஊர்களுக்குச் சென்றவர்கள் திரும்புவதற்காக நாளைக்கும் விடுமுறை வழங்கப்பட்டுள்ளது. இதன் காரணமாக மெட்ரோ ரயில் சேவைகள் ஞாயிறு அட்டவணைப்படி இயக்கப்பட உள்ளன.
இது தொடர்பாக நிர்வாகம் வெளியிட்டுள்ள அறிவிப்பில், மஞ்சள் வழித்தடத்தில் காலை 6 மணி முதல் இரவு 9 மணி வரை ரயில்கள் இயக்கப்படும் எனத் தெரிவிக்கப்பட்டுள்ளது. இந்த நேரத்தில் 15 நிமிடங்களுக்கு ஒருமுறை ரயில் இயக்கப்படும் என்று அறிவிக்கப்பட்டுள்ளது.
அதேபோல், நீலம் மற்றும் பச்சை வழித்தடங்களில் ரயில் இடைவெளி குறித்த விவரங்கள் பின்வருமாறு:
காலை 5 மணி முதல் நண்பகல் 12 மணி வரை: 10 நிமிடங்களுக்கு ஒருமுறை ரயில் இயக்கப்படும்.
நண்பகல் 12 மணி முதல் இரவு 8 மணி வரை: 7 நிமிடங்களுக்கு ஒருமுறை ரயில் இயக்கப்படும்.
இரவு 8 மணி முதல் 10 மணி வரை: 10 நிமிடங்களுக்கு ஒருமுறை ரயில் இயக்கப்படும்.
இரவு 10 மணி முதல் 11 மணி வரை: 15 நிமிடங்களுக்கு ஒருமுறை ரயில் இயக்கப்படும்.
பொதுமக்கள் இந்த அட்டவணையைக் கவனத்தில் கொண்டு பயணத் திட்டமிடுமாறு நிர்வாகம் கேட்டுக்கொண்டுள்ளது.
S.Pillai--MT
